პირველ ეტაპზე, კონტეინერის ექსტერიერი ზუმფარის და რკინის ჯაგრისის დახმარებით იწმინდება. კონტეინერს სცილდება ზედმეტი საღებავის ფენა და ამავდროულად, გულდასმით მუშავდება დაჟანგებული/კოროზირებული ადგილები.
პირველადი დამუშავების შემდეგ ზედაპირი იწმინდება მტვრისა და საღებავის ნარჩენებისგან, რასაც კონტეინერის პირველადი საფარით – ე.წ. ანტიკოროზიული „გრუნტით“ დაფარვა მოსდევს. “გრუნტი” იცავს კონტეინერს შემდგომი დაჟანგვისგან და ხელს უწყობს საღებავის საბოლოო ფენის შეთვისებას.
ბოლო ეტაპზე კონტეინერის ექსტერიერს ვღებავთ ზეთოვანი საღებავით, რაც მოდულს დახვეწილ და მიმზიდველ იერს სძენს.
